ကင်ဆာ

ဝမ်းတွင်းအမြှေးပါးဖြတ်ထုတ်ခြင်းနှင့် HIPEC

အစာအိမ်၊ အူသိမ်၊ အူမကြီးနှင့်စအို၊ အသည်း၊ သရက်ရွက်၊ မုန့်ချိုအိတ် စသည့် ၀မ်းဗိုက်တွင်းအင်္ဂါအစိတ်အပိုင်း များကို ၀န်းရံကာကွယ်ပေးထားသည့် ၀မ်းတွင်းအမြှေးပါးတွင် ကင်ဆာရောဂါဖြစ်ပေါ်ခြင်းကို ၀မ်းတွင်းမြှေးကင်ဆာ ဟုခေါ်သည်။ ၀မ်းတွင်းမြှေးကင်ဆာရောဂါသည် ၀မ်းတွင်းအမြှေးပါးတွင် အစပြုဖြစ်ပေါ်နိုင်သကဲ့သို့ အခြား ကိုယ်အင်္ဂါအစိတ်အပိုင်းတွင်ဖြစ်ပေါ်သော ကင်ဆာရောဂါမှ ၀မ်းတွင်းအမြှေးပါးသို့ ပျံ့နှံ့ရောက်ရှိပြီးလည်း ဖြစ်ပေါ် ခံစားရနိုင်သည်။ အထူးသဖြင့် အူမကြီးကင်ဆာ၊ အစာအိမ်ကင်ဆာ၊ သားဥအိမ်ကင်ဆာနှင့် အူအတက်ကင်ဆာ ရောဂါတို့ ဖြစ်ပေါ်ခံစားရသောအခါ ၀မ်းတွင်းအမြှေးပါးသို့ ကင်ဆာဆဲလ်များ ပျံ့နှံ့ရောက်ရှိပြီး ၀မ်းတွင်းမြှေးကင်ဆာ ရောဂါ ဖြစ်ပေါ်နိုင်သည်။ ရောဂါအဆင့်မြင့်သော အစာအိမ်နှင့်အူလမ်းကြောင်းကင်ဆာရောဂါများနှင့် မျိုးပွားအင်္ဂါ ကင်ဆာရောဂါများတွင် ၂၅ % ခန့်သည် ၀မ်းတွင်းမြှေးကင်ဆာရောဂါကို ပူးတွဲဖြစ်ပေါ်စေနိုင်သည်။ ကင်ဆာရောဂါ အဆင့် ၄ သို့ ရောက်ရှိနေသော ကင်ဆာဝေဒနာရှင်များတွင်လည်း နောက်ဆုံးအခြေအနေများ၌ ၀မ်းတွင်းမြှေး ကင်ဆာရောဂါ ဖြစ်ပေါ်ခံစားရလေ့ရှိသည်။

ဝမ်းတွင်းအမြှေးပါးဖြတ်ထုတ်ခြင်းနှင့် အပူချိန်မြှင့်၍ ၀မ်းတွင်းမြှေးအတွင်း ကင်ဆာဆေးသွင်းကုသခြင်းတို့သည် ၀မ်းတွင်းမြှေးကင်ဆာရောဂါကို ကုသရာတွင် ထိရောက်မှုရှိလာသော ပူးတွဲကုသမှု နည်းလမ်းအသစ်များ ဖြစ်ပါသည်။ ၀မ်းတွင်းမြှေးတစ်လျှောက်ရှိ ကင်ဆာအလုံးအကျိတ်ကို ခွဲစိတ်ဖယ်ထုတ်ပြီးသောအခါ အပူချိန် ၄၂ ဒီဂရီရှိသော အခြေအနေတွင် အထူးပြုလုပ်ထားသော ကင်ဆာဆေးရည်ကို ၀မ်းဗိုက်အတွင်းသို့ မိနစ် ၉၀ ကြာ ထည့်သွင်း ကုသခြင်းဖြစ်သည်။ ကင်ဆာဆေးရည်များကို ကင်ဆာဖြစ်ပွားရာနေရာသို့ တိုက်ရိုက်ထည့်သွင်း ကုသခြင်းအားဖြင့် ၀မ်းတွင်းမြှေးမျက်နှာပြင်ပေါ်တွင် ကျန်ရှိနေသော ကင်ဆာဆဲလ်များကို ရာနှုန်းပြည့် သေဆုံး သွားစေရန် အခွင့်အရေး ရရှိစေပါသည်။

ဝမ်းဗိုက်တွင်းကင်ဆာရောဂါရှိပြီး ၀မ်းတွင်းမြှေးသို့ ကင်ဆာဆဲလ်ပျံ့နှံ့နေသူများတွင် ၀မ်းတွင်းမြှေးဖြတ်ထုတ် ကုသခြင်းနှင့် အပူချိန်မြှင့်၍ ၀မ်းတွင်းမြှေးအတွင်း ကင်ဆာဆေးသွင်းကုသခြင်းတို့ကို ပေါင်းစပ်ကုသမှု ပြုလုပ် သောအခါ အသက်ရှင်သန်နိုင်မည့်အချိန်ကာလကို ၂ ဆ အထိ တိုးတက်စေနိုင်ပါသည်။ အူမကြီးကင်ဆာရောဂါ ဖြစ်ပြီး ၀မ်းတွင်းမြှေးသို့ ကင်ဆာဆဲလ်ပျံ့နှံ့နေသူများကို အပူချိန်မြှင့်၍ ၀မ်းတွင်းမြှေးအတွင်း ကင်ဆာဆေးသွင်း ကုသမှုပြုလုပ်လိုက်သောအခါ ၃၀ ရာခိုင်နှုန်းသော လူနာများသည် ၅ နှစ်အထ်ိ ဆက်လက်အသက်ရှင်နိုင်ပြီး အချို့လူနာများတွင် ရောဂါပျောက်ကင်းသည်အထိ ထိရောက်မှုရှိသည်ကိုတွေ့ရသည်။ ယခင်ကုထုံးများဖြင့် ကုသပါက အဆိုပါရလဒ်ကို ရရှိရန် မဖြစ်နိုင်ပါ။ နောက်ဆက်တွဲဆိုးကျိုး ဖြစ်ပေါ်နိုင်မည့်အခွင့်အရေး ၁၀ ရာခိုင်နှုန်းထက် လျော့နည်းစေသော အဆိုပါ အပူချိန်မြှင့်၍ ၀မ်းတွင်းမြှေးအတွင်း ကင်ဆာဆေးသွင်းကုသခြင်းကို တစ်ကမ္ဘာလုံးမှ လက်ခံအသုံးပြုလျက်ရှိပြီး ရှင်သန်မှုနှုန်းနှင့် ပျောက်ကင်းမှုနှုန်း တိုးတက်လာစေသော ကုသမှု နည်းလမ်းအဖြစ် သက်သေသာဓကများ ရရှိထားပြီ ဖြစ်ပါသည်။

သိုင်းရွိုက်ဂလင်းခွဲစိတ်ကုသခြင်း

သိုင်းရွိုက်ဂလင်းခွဲစိတ်ကုသခြင်းနည်းလမ်းသည် သိုင်းရွိုက်ဂလင်းတစ်ခုလုံးကိုဖြစ်စေ၊ သိုင်းရွိုက်ဂလင်း၏ အစိတ်အပိုင်း တစ်ခုကိုဖြစ်စေ ခွဲစိတ်ဖယ်ထုတ်ကုသခြင်းဖြစ်သည်။ သိုင်းရွိုက်ဂလင်းသည် လိပ်ပြာပုံသဏ္ဍာန်ရှိပြီး လည်ပင်း၏ အောက်ခြေနားတွင် တည်ရှိသည်။ ခန္ဓာကိုယ်အတွင်း ဇီဝဓာတုဖြစ်စဉ်များ ပုံမှန်ဖြစ်အောင် ထိန်းညှိ ပေးသည့် ဟော်မုန်းများကို ထုတ်လုပ်ပေးသည်။ သိုင်းရွိုက်ဂလင်းကင်ဆာရောဂါနှင့် သိုင်းရွိုက်ဂလင်းကြီးပြီး သိုင်းရွိုက်ဟော်မုန်းထုတ်လုပ်မှု မြင့်တက်သောရောဂါများတွင် သိုင်းရွိုက်ဂလင်းခွဲစိတ်ကုသသည့်နည်းလမ်းကို အသုံးပြုရလေ့ရှိသည်။

သိုင်းရွိုက်ဂလင်းတစ်ခုလုံး ခွဲစိတ်ဖယ်ထုတ်ခြင်း သို့မဟုတ် တစ်စိတ်တစ်ပိုင်း ခွဲစိတ်ဖယ်ထုတ်ခြင်းတို့ကို ဖြစ်ပေါ်နေသောရောဂါအခြေအနေပေါ်မူတည်ပြီး သင့်တော်သလို အသုံးပြုရသည်။ ဥပမာအားဖြင့် ကင်ဆာရောဂါသည် သိုင်းရွိုက်ဂလင်း၏ အစိတ်အပိုင်းတစ်နေရာတည်းတွင် စုစည်းဖြစ်ပေါ်နေလျှင် တစ်စိတ်တစ်ပိုင်း ခွဲစိတ်ဖယ်ထုတ်ခြင်းနည်းလမ်းကို အသုံးပြုနိုင်သည်။ သိုင်းရွိုက်ဂလင်း၏ အစိတ်အပိုင်း တစ်ချို့ကိုသာ ခွဲစိတ်ဖယ်ထုတ်ခြင်းဖြစ်သောကြောင့် ကျန်ရှိနေသော သိုင်းရွိုက်ဂလင်း အစိတ်အပိုင်းများမှ ပုံမှန်အတိုင်း ဆက်လက်လုပ်ဆောင်နိုင်သော အကျိုးကျေးဇူးကို ရရှိစေသည်။ သိုင်းရွိုက်ဂလင်းတစ်ခုလုံးကို ခွဲစိတ် ဖယ်ထုတ်ကုသမှု ခံယူခဲ့ရမည်ဆိုလျှင် သိုင်းရွိုက်၏ ပုံမှန်လုပ်ငန်းဆောင်တာများ ရရှိစေရန်အတွက် သိုင်းရွိုက်ဟော်မုန်း အစားထိုးကုသမှုများကို စဉ်ဆက်မပြတ် ခံယူပေးရန် လိုအပ်သည်။

အရိုးကင်ဆာရောဂါကုသနည်းများ

အရိုးနှင့်တစ်ရှူးပျော့များတွင်ဖြစ်ပွားသော ကင်ဆာရောဂါများသည် အဖြစ်များသော ကင်ဆာရောဂါများနှင့် နှိုင်းယှဉ် ကြည့်လျှင် ဖြစ်ပွားမှုနှုန်း အလွန်နည်းပါးသည်ဟု ဆိုနိုင်သည်။ ဖြစ်ပွားမှုနှုန်း နည်းပါးသည့်အတွက် အရိုးနှင့် တစ်ရှူးပျော့များတွင်ဖြစ်သော ကင်ဆာရောဂါများကို ကုသသည့်နည်းပညာများသည် တိုးတက်မှုနှုန်းနှေးသည်ကို တွေ့ရသည်။ အရိုးကင်ဆာရောဂါအများစုတွင် ရောဂါဖြစ်ပေါ်နေသော ခြေတံ သို့မဟုတ် လက်တံအား ဖြတ်တောက်ကုသမှု ပြုလုပ်ရလေ့ရှိသည်။ Mount Elizabeth ဆေးရုံကြီးတွင် အရိုးကင်ဆာရောဂါဝေဒနာရှင်များ အတွက် ခြေတံ/လက်တံ ဖြတ်တောက်မှုမရှိစေဘဲကုသနိုင်သည့် အတွေ့အကြုံရင့်ကျက်သော အရိုးခွဲစိတ်အထူးကု ဆရာဝန်ကြီးများရှိသည်။

ခြေတံ/လက်တံ ဖြတ်တောက်မှုမရှိသည့် အရိုးကင်ဆာရောဂါကုသနည်းတွင် ကင်ဆာဆဲလ်ရှိနေသော အရိုးအစိတ်အပိုင်းကို ခွဲစိတ်ဖယ်ထုတ်ပြီး လစ်လပ်သွားသောနေရာ၌ အခြားအရိုးတစ်ခုမှ အရိုးစများကိုယူကာ ပြန်လည်ဖြည့်တင်းကုသပေးရသည်။ ခွဲစိတ်ဖယ်ထုတ်လိုက်ရသော အရိုးကင်ဆာအစိတ်အပိုင်း၏ အရွယ်အစား ကြီးမားနေလျှင် စတီးရိုး ထည့်သွင်းကုသရလေ့ရှိသည်။ ခြေတံ/လက်တံ ဖြတ်တောက်မှုမရှိသည့် အရိုးကင်ဆာ ကုထုံးတွင် ကင်ဆာဆေးသွင်းကုသခြင်းနှင့် ဓာတ်ရောင်ခြည်ပေးကုသခြင်းတိုိ့ကို မခွဲစိတ်မီဖြစ်စေ၊ ခွဲစိတ်ပြီးဖြစ်စေ လိုအပ်သလို ပေါင်းစပ်ထည့်သွင်း အသုံးပြုရသည်။ ကင်ဆာရောဂါအထူးကုဆရာဝန်ကြီးများ၊ ဓာတ်ရောင်ခြည် အထူးကုဆရာဝန်ကြီးများ၊ အရိုးကင်ဆာရောဂါအထူးကုဆရာဝန်ကြီးများ စသည့် သက်ဆိုင်ရာနယ်ပယ်အလိုက် ကျွမ်းကျင်သော အထူးကုဆရာဝန်ကြီးများ ညီညီညွတ်ညွတ် ပူးပေါင်းဆောင်ရွက်ပြီး အရိုးကင်ဆာရောဂါကို အောင်မြင်စွာ ကုသမှုပြုလုပ်နိုင်ပါသည်။

သားဥအိမ်အေးခဲစေခြင်း

သားဥအိမ်အေးခဲစေခြင်းနည်းပညာသည် ကင်ဆာရောဂါကုသသည့် နည်းလမ်းတစ်ခုမဟုတ်ပါ။ အမျိုးသမီး ကင်ဆာရောဂါဝေဒနာရှင်များ ကင်ဆာရောဂါကုသမှုခံယူရာတွင် ဘေးထွက်ဆိုးကျိုး လျော့နည်းစေရန်အတွက် ကြားခံဆောင်ရွက်ရသော ကုသမှုနည်းလမ်းတစ်ခုဖြစ်ပါသည်။ ရင်သားကင်ဆာရောဂါ၊ သားဥအိမ်ကင်ဆာ ရောဂါနှင့် သားအိမ်ခေါင်းကင်ဆာရောဂါကဲ့သို့သော အမျိုးသမီးကင်ဆာရောဂါများတွင် ကင်ဆာဆေးသွင်း ကုသခြင်းနှင့် ဓာတ်ရောင်ခြည်ပေးကုသခြင်းများပြုလုပ်သောအခါ လူနာ၏သားဥများအား ထိခိုက်ပျက်စီးမှုများ ဖြစ်ပေါ်စေနိုင်သည်။ ကင်ဆာဆေးသွင်းကုသခြင်းနှင့် ဓာတ်ရောင်ခြည်ပေးကုသခြင်း ခံယူပြီးသော အမျိုးသမီးများ တွင် ကုသမှုပြီးဆုံးသောအခါ ရင်သွေးမရနိုင်တော့သည့် ဘေးထွက်ဆိုးကျိုးများ ကြုံတွေ့ရသည်ကို တွေ့ရသည်။ သားဥအိမ်အေးခဲစေခြင်းနည်းလမ်းသည် သားဥအိမ်တစ်ရှူးစများနှင့် မမျိုးဥများကို ခွဲစိတ်ဖယ်ထုတ်ကာ လုပ်ငန်းဆောင်တာ မပျက်ယွင်းစေဘဲ အေးခဲစေလျက် သိမ်းဆည်းထားခြင်းဖြစ်သည်။ ကင်ဆာဆေးသွင်း ကုသခြင်းနှင့် ဓာတ်ရောင်ခြည်ပေးကုသခြင်းများ ပြည့်စုံအောင် ပြုလုပ်ပြီးသောအခါ အေးခဲသိမ်းဆည်းထားသော သားဥအိမ်တစ်ရှူးနှင့် မမျိုးဥများကို လူနာ၏ ခန္ဓာကိုယ်အတွင်းသို့ ပြန်လည်ထည့်သွင်းပေးသည်။ ခန္ဓာကိုယ်ထဲ ပြန်လည်မထည့်သွင်းလိုသော လူနာများအတွက် ခန္ဓာကိုယ်ပြင်ပ သန္ဓေအောင်စေသောနည်းလမ်းဖြင့် ရင်သွေး ရအောင် ဖန်တီးယူနိုင်သည်။ သားဥအိမ်အေးခဲစေခြင်းနည်းလမ်းသည် ကင်ဆာရောဂါကုသမှုခံယူပြီးသော အမျိုးသမီးများအား ရင်သွေးရယူနိုင်အောင် အထောက်အကူဖြစ်စေနိုင်ပြီး အထူးသဖြင့် အသက်ငယ်သော အမျိုးသမီး ကင်ဆာရောဂါဝေဒနာရှင်များတွင် အသုံးဝင်သည်ကိုတွေ့ရသည်။